Hiro’a n°192 – E reo tō ‘u

E reo tō ‘u – Direction de la culture et du patrimoine (DCP) – Te Papa hīro’a ‘e Faufa’a tumu

Te ´oro ´a fa-nauraa i te tau tahito

Rohipehe : Natea Montillier Tetuanui (vahine) Fonction/’Ohipa : ‘Ihi nūna’a, ‘ihi reo www.culture-patrimoine.pf

E upu te paia e te autahu’a ia maita’ihia te tītohira’a mai ō te ari’i vahine i tō na ‘aiū. E purehia te atua Ro’o, te ‘ārere ō Tāne. E ia fānauhia, e vaihohia te ‘aiū i te ta’i e te huti maita’i i tō na aho ia ‘ī’ī maita’i o na i te iho ō tō na metua vahine. Ei reira e tāpūhia ai te pito i te ‘ofe ‘oi.

E rave te paia i te pūō ō te tumu mai’a no te tāmā i te tama, hou a parai atu ai i te mōno’i ahi.

« E ha’apā i te pito ō te tama, te pito tapu. O te aitu o mahuta mai nei. Ia roa, ei pito aho roa ;

E tā’ai i te taura ia mau ; Tapu ai i te pito ō te tama aitu i te tipi mo’a o te ‘ofe rare ; hui i te pito, te pito rearea ; ia mama te pito aitu. 

Te tama tau, o te pūō mei’a, te mei’a ā te aitu, ei horoi i te ’iri mānina, te ’iri paruparu ō te tama ; e tāvai i te mōno’i i te tino ō te tama aitu, ia mārū, ia hinuhinu, i te mōno’i mo’a ō te aitu.

E nenei marō, e tāmaro i te pito, ia marū, ia marō. Ei hai i te ’ā’ī ō te tama aitu, ha’ati i te ’ā’ī i te pito ei hei, ei tapu aho roa, nō te tama aitu nei. » ◆

Puta fa’a-hiti-hia, Henry, 2004 : 168-169. HENRY, Teuira, 2004, Tahiti aux temps anciens (1848), Publication de la Société des océanistes n°1, traduit de l’anglais Ancient Tahiti, 1928 (1st print), par Bertrand Jaunez, Musée de l’Homme, Paris, imprimerie Paillard, Abbeville, 2004 (4e éd.), 723 p.

Lég

I muri i te fānaura’a, te hopura’a i te vai, hōho’a DCP peinihia e Joelle Claudel Gandouin, 2016, NMT.