Hiro’a n°171 – E reo tō’u

171

E reo tō ‘u – Direction de la culture et du patrimoine (DCP) – Te Papa hīro’a ‘e Faufa ’a tumu

Te tahi mau fa´a´ohipara´a nō- te tī-panie-, tū- vava, uefa, vā- nira, vari e te vetiver

Rohipehe : Natea Montillier Tetuanui (vāhine) ’Ohipa : ‘Ihi nūna’a, ‘ihi reo

Teie te tahi nau rā’au-ō-‘āpī-mai e tupu nei i ‘Ōpūnohu i Mo’orea.

Tīpaniē, Plumeria obtusa, frangipanier, Singapore white obtusa, MOD

E ‘āfa’ihia teie tumu rā’au i te ārea matahiti 1852. E ‘ūa’a tō na tiare raverau ‘ū e te no’ano’a i te mau ‘āva’e tiurai.

Légende

Tīpaniē tārona, hōho’a NMT, 2009.

Tūvava, Psidium guajava, goyavier, guava, MOD

E ‘āfa’ihia teie tumu rā’au i te ārea matahiti 1815. E fa’a’ohipahia te raue’ere nō te ‘āmaha-hītoto, te he’a, e hou e pohehia ai te vahine i te ma’i ‘āva’e. E ‘amu te tamari’i i te mā’a hotu, ia ‘amu rahi rā e tumau.

Légende

Mā’a tūvava.

Uefa, Bixa orellana, rocouyer, Achiote, MOD

E ‘āfa’ihia teie rā’au. I te mātāmua e rave te vahine i te huero ō te mā’a ei parai fa’anehenehe ‘utu ‘ute’ute.

Légende

Mā’a uefa, hōho’a J.-F. Butaud .

Vānira, Vanilla planifolia, vanille, Vanilla, MOD

E ‘āfa’ihia teie rā’au i te matahiti 1848 mai Mānira e te ‘ātimarara purutia Hamelin. E no’ano’a nō te tino. E tu’u-ato’a-hia i roto i te mau mā’a ooo.

Légende

Vānira, hōho’a NMT, 2009.

Vari, Oryza sativa, riz, Rice, MOD

E ‘āfa’ihia teie mā’a penei a’e e te tinitō i tae mai i te mau matahiti 1890-1930 i Tahiti. I reira, ua tanuhia i Tema’e e Paopao i Mo’orea, i ‘ timāono i Tahiti i te mau vāhi vari. ‘Aore e tanu-fa’ahou-hia. E pi’ihia tō na mā’a raiti.

Légende

Vari, 2004, hōho’a NMT .

Chrysopogon zizanioides, vétiver, vetiver, MOD

E ‘āfa’ihia teie ‘aihere. E ha’amau tō na pūpā i te repo ō te fa’a ‘eiaha ia he’e i raro i te ua. E ravehia tō na a’a māre’are’a ei ‘ā’ara i roto i te hei.

Légende

A’a Vetiver i roto i te ‘umuhei, hōho’a T. Tetuanui Peters, 2010 .

MOD = rā’au-ō-‘āpī-mai