Hiro’a n°149 – E REO TŌ ‘U : Te tahi mau fa’a’ohipara’a nō te anuhe, araifa’a, autē
149
E REO TŌ ‘U – Direction de la culture et du patrimoine (DCP) – Te Papa hiro’a ‘e Faufa ’a tumu
Te tahi mau fa’a’ohipara’a nō te anuhe, araifa’a, autē
Rohipehe : Natea Montillier Tetuanui (vahine). ΄ohipa : ΄ihi reo
Teie te tahi mau rā ΄au e tupu nei nā ni΄a i nā ΄e΄a to΄o piti nō ΄Ōpūnohu i Mo΄orea- Te ara-tupuna ΄e Te ΄e΄a nō te ΄āro΄a Pu΄uroa – i fāna΄o i te tahi mau paruai fa΄a΄ite΄itera΄a i tō rātou fa΄a΄ohipara΄a i roto i te orara΄a ā te Mā΄ohi, i te mātāmua iho ā rā.
Anuhe, Dicranopteris linearis, fougère, Old World forked fern, IND
E anuhe no΄ano΄a mau, e nae΄a a΄e tō na pūpā rau΄ere 1,20 mētera i te teitei ; e ravehia tō na hï΄ata hiri nō te hāmani i te ha΄ape΄e e te ΄īrevaei te tau tahito. E tunuhia te ΄ōmou ei rā΄au māpē, ΄ōmaha ΄ōfa΄i e nō te māriri ΄aita΄ata.
Légende
Anuhe Dicranopteris linearis Jeunes frondes.
Anuhe ‘īrevae.
Ara΄ifa’a, (marq) vianu, kahauta, amiuta Procris pedunculata herbacée, grassy plant, IND
Ia tae te tau, e tupu te ara΄ifa΄a i ni΄a i te mau tumu māpē, e, e hotu o na i te mā΄a ΄ute΄ute e auhia e te manu (Fare vāna΄a, 2004). I te mātamua, nō te ΄enāta, e ota te mā΄a vianu nō te rapa΄au i te māuiui tāviriviri ΄ōpū ΄aore ra nō te ha΄amahu i te ma΄i hī.
Légendes
Araifa’a Procris pedunculata Fruits.
‘ahu tapa, Doris Maruoi.
Autē Broussonetia papyrifera, mûrier à papier, Paper mulberry, POL
I te ΄anotau, e ΄aua-ha΄a΄ati-hia teie fa΄a΄apu autē i te tahi ΄āpo΄o ia ΄ore e raea-a΄e-hia i te pua΄a. E tātāhia te ΄ao autē ei tapa nō te ΄ahu, nō te mau fa΄a΄una΄una i te fenua Itonetia, Meranetia e i Porinetia. O te fenua ΄enāta ana΄e tei mau mai i te ΄ihi tātāra΄a tapa. E mea ti΄a ia ΄atu΄atuhia te tumu autē i te roara΄a ō tō na tupura΄a ; ia ΄ā΄ano ana΄e te tumu, e ΄ōfatihia te ΄āma΄a, e ΄ā΄ano ato΄a ia te tapa. I teie ā mahana e fa΄a΄ohipa te mau Pāpua i te ΄ao ō te autē, ei taura nā rātou.
Légendes
Autē Broussonetia papyrifera Branche.
‘ahu tapa, Doris Maruoi.
Tapa variés
IND = indigène ; END ARCH = endémique archipélaire ;
POL = introduction polynésienne ; MOD = introduction moderne
